sh-kryeministri Sali Berisha ka paralajmëruar se protesta nuk do të ndalet. Pasi marshuan drejt kryeministrisë, protestuesit demokratë kanë menduar të rikthehen në selinë e PD me shpresën se forcat e policisë të ishin reduktuar.
Ndërsa gjatë rrugës, janë bllokuar nga policia pasi këta të fundit kanë hedhur sasi të mëdha me gaz lotsjellës. Në krye të turmës ndodhej ish kryeminsitri Sali Berisha. Menjëherë pas këtij veprimi turma është shpërndarë.
Në një prononcim për mediat nga protesta e demokratëve, Berisha tha se “ky ortek” nuk do të ndalet, ndërsa ftoj protestuesit të vijonë marshimin.
“Kjo është lëvizje e pandalshme. Është një betejë që nuk do ketë të sosur.
Kjo që patë sot është vetëm faqja e parë e saj.
Këta janë shqiptarët e lirisë.
Ata që mendojnë se do mbahen pengje dhe kukulla për të shtypur vullnetin e tyre gabohen rëndë.
Janë populli i referendumit të lirisë. Janë ata që kthyen në PD votën e lirë.
Asgjë nuk e pengon ortekun e tyre. Sot shqiptarët dhe bota panë fytyrën e vërtetë të Lul Pengut.
Ju ftoj të vazhdojmë marshimin tonë pa u lëkundur.”-tha Berisha.