Vdekja e lideriit të opozitës ruse Alexei Navalny është e rrethuar me mister, teksa dyshimet bien mbi Vladimir Putin.
Kjo ngjarje ka bërë bujë në gjithë botë, ashtu si edhe në vendin tonë, teksa konspiracionisti Arianit Sllamniku ka ngritur dyshime të reja. Ndër të tjera, ai ka folur dhe për zhvillimet në vendin, duke treguar arsyet se pse sipas tij, kryeministri Edi Rama zhvilloi një vizitë të papritur në Turqi sot.
“Vdekja e Alexei Navalny ka lidhje me vaksinat kundër Covid-19. Ai donte të vaksinohej me Pfizer, vaksinë amerikane, jo sputnik. Tani janë vërtetuar dhe efektet që japin vaksinat në organizëm. Të thuash e ka vrarë Putin, të duhen shumë prova sepse është akuzë e rëndë. Navalny vdiq pikërisht në ditën kur bashkëshortja e tij do mbante një deklaratë në Konferencën e sigurisë të Mynihut. Ajo nuk ishte ftuar asnjëherë më parë, pse u ftua atë ditë? Kjo vdekje u bë për të shkëputur vëmendjen, mund të jetë dhe një lojë e Perëndimit.
Sa i përket Shqipërisë, NATO kërkon që baza e Kuçovës të jetë në shërbim 100% të Ukrainës. Pra të përdoret për bombardimet që do bëhen në bazat ruse. Këtë nismë nuk e merr as Polonia, sepse është e frikshme dhe e rrezikshme. Kjo u diskutua dhe gjatë vizitës së sekretarit amerikan të shtetit Antony Bllinken në Tiranë.
Nga ana tjetër, vizita e Ramës në Ankara tregon përkushtimin e Turqisë që të mos lëshojë ndikimin e saj në Shqipëri. Është një luftë mes shumë shtetesh që kanë ndikim në Shqipëri, se kush do mbizotërojë.”- tha Sllamniku.