Kreu i Grupit Parlamentar të Partisë Socialiste, Taulant Balla ka folur ditën e sotme në Kuvend në lidhje me krizën energjetike.
Balla shprehu po ashtu dakordësinë për fashën e vendosur nga qeveria, duke theksuar se përtej asaj shifre kategoria që shpenzon më shumë energji elektrike janë ata që jetojnë në vila. Balla nga ana tjetër falënderoi qytetarët që kanë dëgjuar thirrjet e ministres Balluku për të larë rrobat me 30 gradë duke ironizuar qëndrimin e opozitës pas fushatës për kursim.
“Edhe për vilën e atij këtu paguajmë 800 mijë lekë diferencën që të mos ketë vapë në korrik. Dhe e vërteta është se kur qeveria mori vendimin për 800kë e mbështet plotësisht.
Sepse mendoj që përtej kësaj shifre janë këta vilat. Nuk janë qytetarët e thjeshtë të këtij vendi. Një familje që ka përdorur pak kondicionerin e ka pasur më pak. Qeveria duke parë mirëmenaxhimin.
Duke falenderuar çdo qytetar që dëgjoi thirrjet e koleges Balluku për të larë rrobat me 30 gradë, ju qeshnit se ju për të qeshur jeni. Luli qeshte më bukur por nuk vjen më. Gazi dhe Paloka kanë vazhduar te Përputhen. U takuan por nuk u përputhën. Ju qeshni por kjo qeveria këtu po bën punë”, deklaroi Balla.