Një shqiptar ka humbur jetën tragjikisht pasi është përfshirë në një aksident në Itali.
Mësohet se viktma është 40-vjeçari Edmond Zotot, i cili është aksidentuar teksa ishte duke shkuar për në punë. Ai ka qenë në makinë me një bashkatdhetar dhe koleg kur furgoni i tij “Ulisse” është përplasur me një makinë “Volkswagen” në rrugën rajonale 439, në komunën e Lajaticos.
Pavarësisht ndërhyrjes pothuajse të menjëhershme të dy punonjësve të shëndetësisë që u gjendën në vendin e ngjarjes, shqiptari nuk mundi t’i mbijetonte plagëve të marra.
Edmondi kishte shkuar në Itali nga Shqipëria në kërkim të një jete më të mirë, teksa ka lënë pas gruan dhe dy fëmijët e tij të mitur, 11 dhe 6 vjeç.
Të plagosur rëndë, por jo në rrezik për jetën, janë shoku i Edmond Zeros që ndodhej me të në furgon dhe dy personat që ndodheshin në makinan “Volkswagen”.