Një konflikt i vetëm disa ditëve më parë shkaktoi plagosjen e 54-vjeçarit Agron Puka. Ngjarja ndodhi mëngjesin e kësaj të mërkure ( 6 mars) teksa Puka po dorëzonte nxënësit që po transportonte në shkollë.
Sipas hetimeve paraprake, dyshohet se autorë kanë qenë katër persona, por vetëm njeri prej tyre ka qëlluar me armë zjarri.
Ngjarja ka krijuar frikë dhe panik te nxënësit dhe mësuesit e shkollës 9-vjeçare Marash Gjoni në Rrilë, pasi janë rrezikuar nga të shtënat me armë.
Puka ka marrë një plumb në krah dhe aktualisht, ndodhet në spital, jashtë rrezikut për jetën.