Islam Sefa i kërkuar për trafikim drogë është arrestuar në një lokal afër Prokurorisë së Posaçme.
Islam Sefa është dënuar me 9 vite e 9 muaj burg nga Drejtësia italiane pasi mendohej se ishte pjesë e një grupi kriminal për trafikim droge, kreu i cili ishte vëllai i tij Bujar Sefa. Në vitin 2021 Bujar Sefa është dënuar gjithashtu me burg.
Si koka e grupit që trafikonte kokainë dhe kanabis nga Holanda, Bujar Sefa në atë kohë jo vetëm që shijonte lirinë në Shqipëri, por nuk kishte hequr dorë asnjëherë nga biznesi i drogës.
Sefa, 34 vjeç në bashkëpunim me vëllezërit, pasi prisnin kokainën nga Holanda koordinonin shpërndarjen në Itali, konkretisht në zonën e Venecias dhe Mestra. Më pas vëllezërit e 33-vjeçarit, Islam Sefa dhe Jetmir Sefa, merreshin me shpërndarjen e drogës tek shitësit e vegjël dhe mblidhnin paratë.