Një aksident rrugor i rëndë ka ndodhur rreth orës 15:40 në aksin rrugor “Gjirokastër-Kakavijë”, në vendin e quajtur Kordhocë. Automjeti i policisë, i drejtuar nga shtetasi D. P., oficer policie, është përfshirë në një përplasje me një automjet tjetër, të drejtuar nga shtetasi S. B..
Si rezultat i aksidentit, dy drejtuesit e automjeteve dhe një punonjës policie si pasagjer janë dëmtuar dhe janë transportuar për ndihmë mjekësore në spital. Gjendja e tyre shëndetësore është raportuar si stabile dhe jashtë rrezikut për jetën.
Autoritetet hetimore janë të angazhuara në vendngjarje për të sqaruar rrethanat dhe shkaqet e aksidentit në Kordhocë.