Aksidenti i rëndë i ndodhur mëngjesin e kësaj të hëne të kthesa e Rinasit në drejtim të Fushë-Krujës, me një viktimë dhe tre të lënduar, ka reaguar policia në një komunikim zyrtar ku zbardh detajet e reja.
Sipas autoriteteve, janë përplasur automjeti tip “Benz”, me drejtues shtetasin A. B., 53 vjeç, automjeti kamion “Volvo”, me drejtues shtetasin A. R., 45 vjeç, dhe automjeti tip “Skoda”, me drejtues shtetasin G. R., 32 vjeç.
Si pasojë e aksidentit ka ndërruar jetë shoferi 32-vjeçar, shtetasi G. R., dhe janë dëmtuar 3 pasagjerët që ndodheshin me të, të cilët janë transportuar për në spital. Grupi hetimor ndodhet në vendngjarje dhe po punon për sqarimin e rrethanave të aksidentit.
Ndërkohë janë publikuar edhe pamjet nga vendi i ngjarjes ku shihet se përplasja “kokë më kokë” mes dy atuomjeteve ka qenë e fortë, ndërsa në anë të automjetit shihen të shtrirë në tokë dhe të plagosurit.
Njoftimi i policisë:
“Tiranë/Informacion paraprak
Më datë 15.01.2024, rreth orës 07:20, te kthesa e Rinasit në drejtim të Fushë-Krujës, janë përplasur automjeti tip “Benz”, me drejtues shtetasin A. B., 53 vjeç, automjeti kamion “Volvo”, me drejtues shtetasin A. R., 45 vjeç, dhe automjeti tip “Skoda”, me drejtues shtetasin G. R., 32 vjeç.
Si pasojë e aksidentit ka ndërruar jetë shtetasi G. R., dhe janë dëmtuar 3 pasagjerët që ndodheshin me të, të cilët janë transportuar për në spital.
Grupi hetimor ndodhet në vendngjarje dhe po punon për sqarimin e rrethanave të aksidentit“, njofton policia.