Një aksident i rëndë ka ndodhur në orët e para të mëngjesit të sotëm në Lezhë, ku një 79-vjeçar ka ndërruar jetë.
Policia ka njoftuar se në aksin rrugor Zejmen – Tale, në vendin e quajtur “Ura e Prekanit”, një makinë e drejtuar nga një 19-vjeçar, ku i moshuari 79-vjeçar ishte pasagjer, është përplasur me një automjet të drejtuar nga një 53-vjeçar. 79-vjeçari ka humbur jetën në vendngjarje, teksa 53-vjeçari ndodhet në spital në gjendje të rëndë.
Ndërkohë adoleshenti 19-vjeçar ka përfunduar në prangat e policisë.
Njoftimi i policisë:
Në orët e para të mëngjesit, në aksin rrugor Zejmen – Tale, në vendin e quajtur “Ura e Prekanit”, shtetasi G. N. 19 vjeç, banues në Kurbin, duke drejtuar automjetin e tij, është përplasur me automjetin e drejtuar nga shtetasi F. Ll. 53 vjeç, banues në Mirditë dhe pasagjer shtetasi N. Ll. 79 vjeç, banues në Mirditë.
Për pasojë ka humbur jetën shtetasi N. Ll. si dhe ndodhet në spitalin e Traumes në Tiranë për ndihmë më të specializuar mjekësore shtetasi F. Ll.
Drejtuesi tjetër shtetasi G. N. është arrestuar në flagrancë për veprën penale “Shkelja e rregullave të qarkullimit rrugor”.
Materialet procedurale do ti kalojnë Prokurorisë për veprime të mëtejshme hetimore.