Një aksident i rëndë është regjistruar pasditen e kësaj të enjte në aksin Kuç-Qeparo.
Disa çiklistë kanë humbur kontrollin teksa kanë qenë duke zhvilluar një tur turistik në këtë aks dhe si pasojë janë përplasur me njëri-tjetrin.
Nuk dihet ende numri i saktë i turistëve të përfshirë në aksident, ndërsa nga raportimet e deritanishme thuhet se 3 prej tyre janë në gjendje të rëndë. Siç mund të shihet dhe në foto, ambulanca ka mbërritur në vendngjarje dhe po bëhet transportimi i të plagosurve drejt spitalit.
Njoftimi i policisë:
Vlorë/Informacion paraprak
Rreth orës 14:40, në aksin rrugor Kuç-Qeparo, gjatë itinerarit të garës të etapës së katërt të Turit të 81-të Çiklistik të Shqipërisë, 3 prej çiklistëve dyshohen se kanë humbur kontrollin mbi drejtimin e biçikletave dhe si pasojë kanë dalë nga rruga. Të tre çiklistët janë transportuar në spital për ndihmë mjekësore.
Grupi hetimor po punon për zbardhjen e plotë të rrethanave të aksidentit.