Një aksident i rëndë ka ndodhur mbrëmjen e sotme në aksin nacional Korçë-Pogradec, në afërsi të fshatit Podgorie.
Sipas informacioneve aksidenti përfshinte dy mjete që u përplasën me njëra-tjetrën, duke shkaktuar që një prej tyre të përfundojë në një kanal.
Një nga drejtuesit e mjeteve është larguar nga vendi i ngjarjes, ndërkohë që policia është angazhuar në vendin e aksidentit për të zbardhur rrethanat e ngjarjes dhe për të identifikuar dhe kapur drejtuesin që ka ikur.
Hetimet janë në vazhdim për të sqaruar shkaqet dhe pasojat e aksidentit.
