Një aksident i rëndë ka ndodhur pak minuta më parë në aksin Shkodër-Lezhë, duke shkaktuar bllokime të mëdha të trafikut dhe ngadalësim të qarkullimit. Ngjarja është shkaktuar gjatë një tentative për parakalim nga një automjet që transportonte një familje.
Automjeti, pas tentativës për parakalim, u godit nga pas nga një autobus i linjës Shkodër-Tiranë. Si rezultat i lagështisë në rrugë, vetura e goditur është përplasur gjithashtu nga një kamion që ndodhej në zonë.
Familja e përfshirë në aksident është dërguar në Spitalin Rajonal të Lezhës për kontrolle rutinë dhe për të marrë ndihmën e nevojshme mjekësore. Efektivët e qarkullimit rrugor janë ndodhur në vendngjarje për të zhbllokuar trafikun dhe për të menaxhuar situatën, ndërsa hetimet për shkakun e aksidentit janë duke vazhduar.