Mëngjesin e sotëm, një aksident i rëndë ka ndodhur në superstradën Fushë-Krujë-Thumanë. Në përplasjen e ndodhur midis një makine Mercedes Benz me targa italiane, e drejtuar nga E.B., dhe një Ford-i me drejtues V.D., janë shkaktuar lëndime të rënda.
Nga goditja njëra nga makina ka përfunduar mbi barrierat metalike të rrugës.
Si pasojë e aksidentit, drejtuesi i Ford-it është plagosur dhe është dërguar në spitalin e Traumës për trajtim mjekësor. Shoferi i Mercedes Benz-it, nga ana tjetër, është dërguar në qendrën shëndetësore në Thumanë, ku ndodhet në gjendje shoku.
Autoritetet janë në vendngjarje dhe po punojnë për të sqaruar shkaqet e aksidentit, ndërsa ecuria e gjendjes shëndetësore të të lënduarve do të monitorohet nga ekipet mjekësore.