Një takim tepër i ngrohtë mes kryeministrit Edi Rama dhe homologes së tij italiane Georgia Meloni në Moldavi, për samitin e BE-së, bëri shumë bujë duke u pasuar nga e njëjta gjë gjatë funeralit të Silvio Berlusconit.
Rama është krhyer të flasë për këtë episod, gjatë një interviste për median italianae “La Stampa”.
I pyetur për marrëdhëniet dhe afrimitetin e dëshmuar me homologen Meloni, Rama u shpreh se ajo “është një surprizë e madhe për klubin euroatlantik”.
“Unë e admiroj Georgia Melonin. Ajo është motra e vogël e Shqipërisë dhe unë jam një vëlla i vjetër i Italisë dhe e kemi njohur njëri-tjetrin si të tillë në Tiranë, ku jemi përqafuar dhe kemi folur me njëri-tjetrin. Giorgia jo për mua, por për klubin euroatlantik është një surprizë e madhe. Në të gjitha rrethanat ndërkombëtare ajo shihet me respekt të prekshëm, ka karizëm dhe thotë të gjitha gjërat e duhura. Jam 198 cm i gjatë, por kur flet duket më e gjatë se unë”, tha Rama.