![](https://dk-news.com/wp-content/uploads/2023/07/800-0-64afdd613fdfe.jpg)
Një incident i përgjakshëm me një të vdekur nga të shtënat me armë zjarri ka ndodhur mesditën e së enjtes, në zonën e Analipsit, në lindje të Selaniku në Greqi.
Sipas informacioneve të para, është qëlluar dy herë për vdekje një 50-vjeçar shqiptar, identiteti i të cilit nuk dihet ende.
Ai është qëlluar teksa ndodhej në makinën e tij në një karburant.
Ngjarja ka ndodhur rreth një orë më parë, ndërsa ende nuk ka asnjë gjurmë për autorin. Ky i fundit është arratisur dhe policia po punon për identifikimin dhe kapjen e tij.