Lionel Messi dhe Antonela Rocuzzo kanë festuar mbrëmë fitoren e Topit të Artë të shtatë në një restorant prestigjioz në Paris, me miqtë, kolegët dhe të gjithë familjen në një festë që zgjati deri në agim. Të ftuarit e kësaj feste treguan në rrjetet sociale disa momente nga kjo festë ku përveç familjes Messi, të ftuar ishin edhe disa bashkëlojtarë të PSG-së. Ka rënë në sy pjesëmarrja e Leandro Paredes dhe bashkëshortes së tij, Ángel Di María, po ashtu me bashkëshorten, dhe Marco Verrati, miku i madh i Leos në këtë ligë të re. Nga ana tjetër, u vu re se Mauro Icardi dhe Wanda Nara nuk ishin aty , por nuk dihet nëse ata nuk ishin të ftuar ose vetëm nuk mund të merrnin pjesë.
Antonela Roccuzzo ishte një nga më të lumturat mbrëmjen e së martës, pasi Lionel Messi fitoi Topin e Artë.