Ish-presidenti i Shteteve të Bahskuara të amerikës Bill Clinton do të vizitojë Shqipërinë më 4 korrik.
Mësohet se ish-presidenti do të vizitojë kryeqytetin Tiranën, pikërisht në ditën e Pavarësisë së SHBA-ve, ku do të mbajë dhe një fjalim.
Duket se kjo vizitë ishte paralajmëruar më herët nga kryeministri i vendit, Edi Rama, edhe pse jo drejtpërdrejt. Gjatë një konference për mediat, Rama u shpreh se Shqipërinë e pret një surprizë më 4 korrik, duke theksuar se nuk bëhej fjalë për para.
Mendoj do të jetë një dhuratë e bukur, por meqë i lidhni të gjitha gjërat me lek nuk janë lek.”- u shpreh Rama në atë kohë.
Bill Clinton gjatë kohës së mandatit të tij si president i shtetit më të fuqishëm në botë ndikoi në miratimin dhe realizimin e vendimeve të OKB-s për ndërhyrjen e NATO-s në Luftën e Kosovës në vitin 1999.