Nga data tre korrik nuk do të ketë më sportele për shërbimet në Kadastër.
Kryeministri Rama ka bërë me dije ditën e sotme se Kadastra tashmë do të jetë një dritare përmes portalit qeveritar e-Albania, ku të gjithë do të mund të jenë të barabartë e të marrin shërbimet që i nevojiten pa burrokraci.
Sipas kryeminsitrit, ministrat, deputetët dhe kryetarët e bashkive kanë penguar punën e këtij institucioni, prandaj tani do jetë gjithçka më e lehtë për qytetarët.
“Mezi kam pritur të vijë dita të them këtë që do të them tani, ditën e hënë më 3 korrik Kadastra nuk është më e aksesueshme për asnjë nga ju. Askush brenda në Kadastër nuk do të mundet të përgjigjet edhe sikur të dojë, asnjë nga kushërinjtë që keni futur në Kadastër asnjë nga ata që gjasme ka dhënë jetën për PS-në nuk do të ketë më gjë në dorë. Nga tre korriku kadastra do të jetë digjitale. Askush nuk do të ketë mundësi të devijojë sipas dëshirës, nuk do të ketë më zgjidh t’i se kujt t’i shërbesh. Nga tre korriku punonjësi do të ketë para çfarë t’i nxjerrë kompjuteri. Askush nuk do të gjejë fillin se si do të trajtohet prona përveç makinerisë digjitale. Qytetarët të mos shkojnë më në kadastër se nuk i pret më askush. Kadastra tashmë do të jetë në dritare përmes e-Albanias, aty do të vije dokumenti me vulë elektronike i patjetërsueshëm. Sistemi do të jetë i tillë që çdo njeri i interesuar do të shohë se ku është ecuria e procesit. Që një makineri e tillë të përgjigjet duhet që të dhënat ti ketë të aksesueshme. Arkivat e mbushura me letra nuk janë më të askesueshme dhe askush nuk mund të shkojë të fusë një pronë e të heqë të dikujt tjetër. Kjo periudhë ka përfunduar. Do të ketë probleme e ngecje nejsoj si atëherë kur hoqëm sportelet.”- tha Rama.