Një shqiptar në Itali ka fituar lirinë pas 15 vitesh burg, për një krim që nuk e kishte kryer.
41-vjeçari ishte arrestuar në vitin 2008, i akuzuar për trafik droge dhe përfshirje në grup të organizuar kriminal, së bashku me 3 shqiptarë të tjerë.
Në atë kohë, sipas prokurorisë italiane, 41-vjeçari ishte marrës i mbi 12 kilogramëve kokainë së bashku me një tjetër shqiptar. Hetuesit e Financës ishin nisur në gjurmët e korrierit, i cili ishte arrestuar me drogën dhe në pranga me të kishin përfunduar edhe ata që duhej të merrnin drogën.
Në një seancë të mbajtur ditët e fundit në Rimini për të rigjykuar çështjen, gjyqtarët shpallën të pafajshëm shqiptarin dhe e liruan nga akuzat e trafikut të drogës.
Shqiptari pritet të dëmshpërblehet nga shteti italin për vitet e vuajtura brenda qelisë.