Kryeministri Edi Rama ishte i pranishëm në prezantimin e Buxhetit të vitit 2022 për Shëndetësinë ku deklaroi se brenda mandatit të tretë pagat e mjekëve dhe infermierëve do të rriten me 40%.
Në fjalën e tij Rama tha se në shëndetësi është bërë shumë krahasuar me momentin që e morën këtë sistem në vitin 2013 kur erdhën në pushtet.
Pjesë nga fjala e Ramës:
Angazhimet për pagat tuaja janë pasuar me fakte dhe faktikisht që prej hapit të parë që kemi hedhur, pagat e mjekëve dhe infermierëve janë rritur 63%.Natyrisht që ne nuk jemi të vetëpërmbushur nga ky fakt dhe ambicia jonë është që pagat të vazhdojë të rriten për të kapur +40% brenda këtij mandati të tretë, duke filluar nga një +6% në vitin e ardhshëm. Për mjekët gjëja më e kollajshme që i vjen ndërmend është fjala e keqe.
Për detyrën zgjidhen të gjithë dhe të gjitha qeveritë, jo për të bërë mrekullira jashtëtokësore, por dallimi është sesi e bëjnë detyrën. Investimet që kemi bërë janë më të mëdha. Është e vështirë që të rindërtosh dicka që është ndërtuar mbrapsht. Më parë mjekët hynin në sallat e operacioneve si në sallat nga tregimet e kohës së luftës dhe kjo ndodhte pakj vite më parë, por sot është absolutisht diçka tjetër. Kushtet për mjekët dhe infermierët janë më dinjitoze. 4 vite pa asnjë specializim dhe natyrisht u krijua një hendek 4-vjeçar që u përkthye në mungesë specialistësh në sistemin shëndetësor.