Një aksident ka ndodhur mesditën e sotme në Fier, ku një autobus është përplasur me një makinë.
Policia ka njoftuar se ngjarja ka ndodhur në aksin rrugor “Fier-Patos”, ku autobusi ka përplasur një automjet tip “Skoda”, i drejtuar nga një 21-vjeçar. Si pasojë e aksidentit ka mbetur e plagosur një 20-vjeçare, e cila ishte pasagjere në automjet.
Njoftimi i policisë:
Në datë 22.05.2023, në aksin rrugor “Fier-Patos”, automjeti tip autobus me drejtues shtetasin A. T., 58 vjeç, banues në Fier, është përplasur me automjetin tip “Skoda” me drejtues shtetasin K. L., 21 vjeç, banues në Librazhd.
Si pasojë e përplasjes, është dëmtuar lehtë pasagjerja në automjetin tip “Skoda”, shtetasja I. L., 20 vjeçe, banuese në Librazhd, e cila pas kontrollit mjekësor, u largua për në banesë.
Drejtuesit e automjeteve janë shoqëruar në Komisariat për kryerjen veprimeve të mëtejshme procedurale.
Grupi hetimor po punon për përcaktimin e shkakut të aksidentit.