Ish-deputeti socialist Armando Prenga i ka shpëtuar një atentati me armë ditën e sotme në zonën e Fushë Kuqes në Kurbin. Policia u njoftua për ngjarjen nga vetë ish-deputeti ndërsa ka shpallur në kërkim Fatbardh Ismajli. Prenga ka njoftuar sallën operative të Policisë Kurbin se ndërkohë që qarkullonte me automjet, 29-vjeçari me Fatbardh Ismajli qëlloi me armë zjarri pistoletë në drejtim të automjetit.
Prenga ka qenë duke lëvizur me mjetin e tij në aksin Laç-Patok, kur është qëlluar tre here me pistoletë.
Burime të policisë thanë se nga të shtënat nuk ka asnjë të dëmtuar. Ngjarja e ka zanafillën pas një konflikti mes Prengës dhe babait të autorit, Islam Ismajli vëzhguesit të koalicionit Berisha-Meta në Kurbin. Shkak i konflikitit ka qenë përplasja për dy vota të kontestuara në KZAZ 15 Kurbin.
Shërbimet e Policisë kanë shkuar në vendin e ngjarjes, dhe po vijojnë kontrollet, me qëllim lokalizimin dhe kapjen e autorit që është larguar nga vendi I atentatit.
Lajmi do të përditësohet…