Një rast i rëndë i abuzimit seksual të një të miture është raportuar në Itali.
Mediat e huaja raportojnë se ngjarja ka ndodhur në Ankona. Një 40-vjeçar banues në Kremones është vënë në pranga me akuzën e prodhimit të pornografisë së fëmijëve dhe akteve seksuale me një vajzë 14-vjeçare.
Denoncimi është bërë nga prindërit e të miturës. Burri e kishte takuar të renë në një bisedë virtuale verën e kaluar. Ai i ka dërguar disa video pornografike dhe më pas e ka takuar.
Të dy do të ishin takuar pesë herë në Ankona, përpara se prindërit të raportonin gjithçka në polici.
Pas rindërtimit të fakteve dhe marrjes së masës së sigurimit, më 21 prill policët e Ankonës dhe Kremones, të koordinuar nga Prokuroria Publike e Ankonës, shkuan në shtëpinë e të dyshuarit për të kryer masën dhe kontrollin e shtëpisë. Megjithatë, policia nuk e gjeti të dyshuarin, i cili më vonë u gjet dhe u arrestua në Forlì.