Make-up artisti i njohur, Henri Gjata, ishte sot i ftuar në emisionin “Live from Tirana”, ku zbuloi disa detaje për banorët e këtij edicioni të “Big Brother VIP”.
Henri zbuloi se Luiz Ejlli pranoi menjëherë sapo i thanë që të lyente flokët. Gjithashtu tregoi se Valbona Mema ishte ajo që ‘ankohej’ se e linin për në fund për t’i bërë make-up-in.
Por jo vetëm kaq, pasi make-up artisti rrëfeu edhe synimin e tij më të madh, tani që ka gati 6 vite karrierë në fushën e bukurisë.
“Synimi im më i madh, pra ëndrra ime më e madhe është të lyej Kim Kardashian. Shihja fotot e saj që këtu e para disa vitesh, ishte muza ime e parë. Jam e fiksuar pas “Keeping up with the Kardashians””, tha Henri.
Ky i fundit tregoi gjithashtu edhe tendencat e make-up për këtë verë, të cilat janë:
“Gjatë dy viteve ka ndryshuar ideja e make-up, njerëzit kanë filluar të përqafojnë natyralen pra të rregullojnë tiparet jo t’i ndryshojnë. Gjithçka këtë verë do të jetë drejt një make up natyral. Edhe nuset kanë filluar të kërkojnë gjëra shumë natyrale, sa më afër vetes. Shqipëria po i afrohet make-up italian, francez”.