Kryeministri i vendit, Edi Rama, ishte mëngjesin e sotëm i ftuar në emisionin “Wake Up” në Top Channel, ku tregoi se si e nis ditën.
Kreu i qeverisë tha se zgjohet duke puthur djalin, Zahon dhe më pas shkon për të pirë kafen.
“Kur është e mundur bashkë me Lindën dhe pastaj përpara”, shtoi Rama.
I pyetur nëse e ndjen mungesën e tij Zaho, për shkak se është i angazhuar me punën, kryeministri u shpreh:
“Është një punë që ka një sakrificë shumë të madhe për ata që jetojnë me mua. Borxhi i kohës, angazhimit të nevojshëm dhe zakonshëm në kushte te tjera, vetëm thellohet dhe nuk ka shans të lahet më”.
Ndërsa i pyetur se “nëse nuk do duheshit të merreshit me politikë, me ca do merreshit?”, kryeministri u përgjigj:
“Kam pasur jetë para. Por kjo jetë është e lidhur me njerëzit nga fillimi deri në fund të ditës. Me lloj-lloj problemesh e gjërash. Jeta e mëparshme ka qenë me shumë pak kontakte, më intensive. Vetëm në atelie”.