Zhvillime të reja janë bërë publike për mediat nga ngjarja e rëndë në Itali pak ditë më parë mes dy shqiptarëve.
Bëhet me dije nga shtypi italian se shqiptari Osman Bilyhu i akuzuar se ka vrarë me thikë bashkatdhetaren e tij 38-vjeçare Anila Ruci është transferuar në burgun Pavia të Torre del Gallo, Itali.
Mediat fqinje raportojnë gjithashtu se 31-vjeçari është mbyllur në qeli pasi gjendja shëndetësore është më e mirë. Ai akuzohet se ka vrarë 38-vjeçaren shqiptare dhe është vetëplagosur me thikë për të fshehur ngjarjen. Ai ka marrë në telefon policinë dhe ka denoncuar “plagosjen” me thikë nga persona të panjohur të shqiptares dhe vetes së tij.
Nga ana tjetër njoftohet se autoritetet kanë arritur të zbulojnë se në pamjet e regjistruara nga kamerat e sigurisë, në ambientet e shtëpisë së tyre dhe lagjes, nuk është të hyjë apo dalë asnjë person i panjohur. Ndërkohë që mjekët kanë zbuluar se plagët e 31-vjeçarit kanë qenë të vetëshkaktuara.
Gjithashtu një tjetër element kyç në zbardhjen e kësaj vrasje, është fakti se shqiptari e ka dhënë alarmin për ngjarjen e ndodhur në orën 16:00, ndërsa sulmi dyshohet se ka ndodhur në orën 05:00 të mëngjesit.
Hetuesit ende nuk kanë arritur të përcaktojnë lidhjen me viktimës dhe vrasësit, pasi në fshat ata prezantoheshin si motër e vëlla, por në të vërtetë nuk kishin asnjë lidhje farefisnore me njëri-tjetrin, madje as sentimentale. Motra e vërtetë e 31-vjeçarit, e cila jeton në provincën e Pavias, është në pritje të autorizimit për ta takuar.