Moderatorja e njohur, Fatma Haxhialiu, ka zbuluar pak ditë më parë se është në pritje të ëmbël e së shpejti do të bëhet nënë për herë të dytë.
Fatma ka ndarë lajmin me ndjekësit e saj teksa ka postuar videon nga momenti kur i kishte treguar djalit të saj, Kian, që së shpejti do të jetë vëlla i madh.
Përmes një torte të veçantë, ajo i kërkon djalit të zbulojë se çfarë fshihet brenda. Kian fillon të tërheq një letër dhe aty zbulon nga brenda tortës disa imazhe nga ekografia.
E dija…”– thotë ai i emocionuar, ndërsa më pas, i përlotur ka përqafuar të ëmën.
Mirëpo ditën e djeshme, moderatorja ka bërë një falënderim për të gjithë ndjekësit dhe njerëzit e saj të zemrës të cilët e kanë uruar për shtatëzaninë.
Krahas falënderimit shfaqet një foto familjare e bashkëshortit të saj me të birin dhe vetë moderatorja me barkun e rrumbullakosur.
“Nuk kam fjalë të përshkruaj emocionin që më keni dhënë nga dje dhe sot (dhe kjo ndodh rrallë, mos të gjej fjalë unë.) Na keni mbushur me një gëzim kaq të madh e më keni bërë të ndihem tamam si motra, mikesha, një pjesetare juaja e familjes me aq shumë dashuri, urime, përqafime, virtuale. Ju falenderojme me shpirt të tre +1. Uroj me zemër që të keni në jetën tuaj atë gëzim, energji të bukur dhe pozitivitetin që më keni dhuruar tërë këto orë,’ shkruan moderatorja.
Ndër të tjera ajo shton se rrugëtimi i saj me ndjekësit ka qenë shumë i gjatë ama kurrë më shumë se sa orët e fundit nuk e ka ndjerë dashurinë që ata i kanë dhuruar.
“Ne jemi një komunitet, që u bë vite që flasim që nga ngjyra e getave, te griresja e patateve, pica e preferuar, e deri te probleme të ndryshme familjare, sociale, projekte karrierë, etj, që i kemi ndarë bashkë, por ju betohem dashuria që më keni dhënë tërë këto orë, nuk krahasohet me asnjë emocion tjetër më parë.
Jam mirënjohese dhe ndihem në borxh, ma keni mbushur shpirtin plot. Faleminderit me shpirt! Ju dua”, përfundon Fatma.