Një 22-vjeçar ka rënë në prangat e policisë mëngjesin e sotëm pas iakuzohet si shkakatari i aksidentit të rëndë të ndodhu dje në Tiranë, ku u përfshinë 2 makian dhe një motor.
Një ditë më parë 22-vjeçari me mjetin e tij “Porsche” ka ndjekur nga pas një automjet tip “BMW”, duke tentuar t’i zërë rrugën. Për t’u shmangur ndjekjes së “Porche”, “BMW” është përplasur me një mjet tjetër “Benz” që ndodhej para.
Ky i fundit më pas ka tentuar të largohet pasi edhe “Porsche” i ka prerë rrugën, në momentin që “BMW” tenton të largohet ka goditur edhe një motor.
22-vjeçari ra në pranga pas denoncimit të vajzës, e cila drejtonte mjetin “BMW”, e cila deklaroi se i riu e opërndiqte prej kohësh. Ai madje i kishte marrë dhe telefonin.
Njoftimi i policisë:
Tiranë
I mori celularin një shtetaseje dhe e përndiqte atë, vihet në pranga 22-vjeçari. Shërbimet e Komisariatit të Policisë Nr. 6, në vijim të punës për parandalimin dhe goditjen e paligjshmërisë në çdo formë të saj, pas kallëzimit të bërë nga një shtetase 22 vjeçe, se një shtetas i kishte marrë aparatin celular dhe e shantazhonte vazhdimisht, për motive të dobëta, menjëherë kanë organizuar punën për kapjen e autorit.
Në vijim të veprimeve është kapur dhe arrestuar shtetasi A. A., 22 vjeç, banues në Tiranë. Nga veprimet hetimore ka rezultuar se shtetasi A. A. i kishte marrë aparatin celular, 22-vjeçares, të cilën e përndiqte dhe e shantazhonte vazhdimisht, për motive të dobëta. Gjithashtu, 22-vjeçari, duke qarkulluar me automjet, ka përplasur dy automjete dhe një motomjet, me pasojë dëme materiale. Në cilësinë e provës materiale u sekuestruan 2 aparate celulare dhe automjeti i 22-vjeçarit. Materialet i kaluan Prokurorisë, për veprime të mëtejshme procedurale.