Një ngjarje e rëndë ka ndodhur në Itali, ku një 35-vjeçar ka ndërruar jetë.
Mësohet se ngjarja ka ndodhur në zonën Reggio Calabria, ku Vito Bugliarello u mbyt pasi hyri në det për të shpëtuar dy djem të mitur.
Ditën e djeshme Bugliarello kishte parë dy djem të mitur të cilët ishin në vështirësi pasi, duke përfituar nga dita e pranverës, kishin vendosur të bënin not pranë urës Cassibile.
Fillimisht u mendua se dy të rinjtë kishin përfunduar aksidentalisht në ujë ndërsa bënin një selfie: një tezë e mohuar më vonë nga hetimet dhe nga historia e dy miqve që po bënin banjë.
Bugliarello, i cili sheh gjithçka nga bregu, vendos t’i ndihmojë, duke u hedhur në ujë për t’i nxjerrë jashtë. Ai arriti të nxirrte djemtë të cilët i lidhi me dy çarçafë, por kur tentoi të dilte për vete, ai rrëshqiti duke mbetur mes dallgëve.
Aktivitetet e kërkimit kanë vijuar deri ditën e sotme me koordinimin e Autoritetit Portual, deri kur kufoma është gjetur pranë një kreshte shkëmbore, kilometra larg vendit ku kishte ndodhur aksidenti.
Bugliarello ishte me origjinë nga Floridia, SHBA, kishte ndjekur Institutin Teknik Fermi në Sirakuzë dhe ishte një adhurues i udhëtimeve.