Biznesmeni i njohur, Arbër Çepani, ka bërë një reagim prekës pas ndarjes nga jeta të kunatit të tij, Gerti Bogdani.
Ish-banori i “Big Brother” ka treguar se si ai e ka bërë për të qeshur 12 vite më parë, në një ditë ku mori një lajm të keq.
Çepani shkruan se në atë kohë, mjekët në Shqipëri i kishin thënë se ‘i ka ditët e numëruara” dhe Bogdani ka qenë aty me të dhe i ka thënë: “Të të marrim një biletë Maldive, se ke thjesht nevojë të pushosh, të shëron dielli aty?”.
“12 vite përpara, pas një skaneri që bëra, mjekët në Shqipëri më thanë se i ke ditët e numëruara…
Çdo gjë mu përmbys por ti ishe aty tek dera e spitalit dhe gjëja parë që më the sapo më pe ishte:
“Të të marrim një biletë Maldive, se ke thjesht nevojë të pushosh, të shëron dielli aty?”
Ishte i vetmi moment që qesha në ato orë të zeza…
Sot nuk të thashë dot të njëjtën gjë tek dera spitalit unë ty o Gert…”, shkruan Çepani në postimin e tij në “Instastory”.
Gerti Bogdani ishte i martuar me motrën e Arbër Çepanit, Edlira Çepani, dhe ata ishin prindër të dy fëmijëve, Ajra dhe Reinarti. Ish-deputeti u nda papritur nga jeta, dyshohet për shkak të një arresti kardiak.