Një incident i rëndë ka ndodhur sot në një kantier ndërtimi në Heraklion, ku dy punëtorë, një shqiptar dhe një palestinez, janë përfshirë në një sherr të ashpër.
Konflikti ka nisur për një mosmarrëveshje në punë dhe ka eskaluar në përdorimin e sendeve të forta.
Sipas dëshmitarëve, punëtori shqiptar goditi kolegun e tij me çekiç, ndërsa palestinezi iu kundërpërgjigj me një vare. Të dy kanë pësuar plagosje të lehta në kokë dhe janë dërguar për trajtim mjekësor.
Policia e Heraklionit ka ndërhyrë menjëherë dhe ka arrestuar të dy punëtorët. Një ekspertizë mjeko-ligjore është urdhëruar për të zbardhur rrethanat e incidentit.
Autoritetet kanë theksuar rëndësinë e zgjidhjes paqësore të konflikteve në vendin e punës dhe se incidente të tilla do të hetohen me seriozitetin e duhur.