Një ndër tregjet më të mëdha të kafshëve të imta dhe gjedhëve në Shqipëri është Rrogozhina. Pjesa më e madhe e tregtarëve të Shqipërisë së Mesme, por dhe jugut bashkohen për të shitur, apo blerë ditën e enjte prej orës 05:00 të mëngjesit.
Vitrina e kafshëve të imta dhe gjedhëve është shumë e larmishme, pasi nga një vëzhgim i shpejtë arrin të kuptosh se i ke nga të gjitha llojet e rracave, moshave dhe cilësive.
Ashtu si në rastin e tregut të Tapizës, edhe në Rrogozhinë një numër shumë i madh kafshësh nuk kanë matrikullim. Janë pa asnjë certifikim dhe nuk janë të regjistruara, duke u tregtuar në të zezë.
Edhe matrikulllimet e huaja konstatohen rëndom. Kryesisht, bien në sy matrikujt greke apo bullgare edhe në këtë treg kafshësh.
Grupi i Inside Story në terren u fut në bisedime për blerjen e një kafshe të futur si kontrabandë në vendin tone. Për ta vërtetuar që nga pika A deri në fund abuzimin që bëhet në raste të tilla.
Tregtari: E keni vicc te mire, nese doni ta merrni, bejme pazar
Bakia: Cfare certifikimi ka? Pse nuk ka certifikim shqiptar?
Tregtari: Ia bejme te gjitha I kemi gati e zgjidh une kete pune. Per cfare e do? Per mish, apo per ta rritur?
Bakia: Per mish.
Deri në këtë pike kuptojmë se tregtari nuk e ka për here të pare një lëvizje të tillë, madje është i sigurt se mund të bëjë çdo hap të nevojshëm për ta realizuar shitjen.
Në bisedën me tregtarin në fjalë kuptojmë se nuk është vetëm ai i përfshirë në shkeljet që bëhet në raste të tilla, por ka dhe bashkëpunëtor.
Tregtari: Nëse doni i bëj unë të gjitha gati, certifikatat, letrat dhe shkojmë ne thertore. Ju nuk duhet të mendoni për asgjë.