Biznesmeni dhe ish-banori i Big Brother, Arbër Çepani, ka shprehur dhimbjen e tij pas ndarjes nga jeta të kunatit të tij, Gerti Bogdani.
Në një postim prekës në Instastory, ai ka shkruar: “Pse na e bëre o Gert, pse na e bëre.”
Gerti Bogdani ishte i martuar me motrën e Arbër Çepanit, Edlira Çepani, dhe ata ishin prindër të dy fëmijëve, Ajra dhe Reinarti. Ish-deputeti u nda papritur nga jeta, dyshohet për shkak të një arresti kardiak.
Ngjarja ndodhi në hotel “Rogner”, ku Bogdani po konsumonte kafen e mëngjesit me miqtë. Ai kishte shfaqur vështirësi në frymëmarrje dhe ishte tërhequr për në tualet.
Pasi nuk u kthye në tavolinë, miqtë e tij janë shqetësuar dhe kanë shkuar në tualet, ku e kanë gjetur të shtrirë pa ndjenja. Më pas, ai është transportuar me ambulancë në QSUT, por nuk arriti të mbijetojë.