Reperi Feronit Shabani, i njohur me emrin e artit Fero, ka marrë gjithë vëmendjen me një postim shqetësues që ka bërë mbrëmë në rrjetet e tij sociale.
Fero ka bërë një shkrim në “Instastory”, ku ka vendosur që të kërkojë ndihmën e mediave vendore për t’a mbështetur në një çështje të rëndësishme, që dëshiron t’a bëjë publike.
Ai thekson se po përballet me një padrejtësi që, sipas tij, po i bëhet nga organet e drejtësisë.
“I thërras të gjitha mediat që të më lajmërohen sepse jam në shqetësim të madh, është duke më u bërë një padrejtësi shumë e madhe prej organeve të ligjit zbatues më saktësisht Gjykatës së Gjilanit. Jam i thyer emocionalisht shumë dhe jam në depresion të rëndë”, ka shkruar reperi nga Gjilani në mesazhin e tij të sinqertë.
Situata mbetet e paqartë për momentin, ndërsa pritet që mediat vendore të ndërhyjnë për të hedhur dritë mbi rrethanat e plota të çështjes.