Një aksident i rëndë ka ndodhur sot në autostradën Rrogozhinë-Lushnje, pranë mbikalimit të fshatit Zhamë. Në aksident janë përfshirë dy automjete: një automjet tip Volkswagen, i marrë me qira nga dy turistë polakë, dhe një automjet tip Renault.
Sipas informacioneve të para, automjeti Volkswagen ka goditur nga pas automjetin Renault. Si rezultat, dy turistët polakë dhe drejtuesi i Renault-it kanë pësuar dëmtime dhe janë dërguar me urgjencë në spital. Fatmirësisht, të tre personat janë jashtë rrezikut për jetën.
Për pasojë e përplasjes, në zonë janë krijuar radhë të gjata trafiku. Policia ka ndaluar qarkullimin në disa segmente të autostradës për të lehtësuar operacionet e shpëtimit dhe për të bërë pastrimin e vendngjarjes.
Nga të dhënat paraprake, dyshohet se aksidenti ka ndodhur për shkak të shpejtësisë së lartë me të cilën po lëviznin turistët polakë dhe lagështisë në rrugë. Grupi hetimor është në vendngjarje dhe po punon për të zbardhur të gjitha detajet e aksidentit dhe për të përcaktuar rrethanat që çuan në përplasjen e automjeteve.