Një ngjarje tragjike ka ndodhur në Berat këtë të shtunë, ku një 43-vjeçar ka humbur jetën për shkak të kontaktit me rrymën elektrike.
Sipas njoftimit të policisë, viktima me inicialet S.B. ishte duke punuar në një banesë kur ra në kontakt me rrymën elektrike.
Autoritetet kanë nisur hetimet për të përcaktuar rrethanat e sakta të ngjarjes dhe për të zbuluar nëse ka pasur shkelje të rregullave të sigurisë në banesën e shtetasit E.K ku po punonte.
Ky incident ngre shqetësime për sigurinë në vendin e punës pasi çdo ditë e më shumë rritet numri i punëtorëve që humbin jetën në vendin e punës.
Njoftimi i policisë:
Rreth orës 12:15, në qendrën shëndetësore të Roskovecit, është dërguar pa shenja jete, shtetasi S. B., rreth 43 vjeç, banues në Berat.
Ky shtetas dyshohet se aksidentalisht ka rënë në kontakt me rrymën elektrike duke kryer punime në banesën e shtetasit E. K., banues në fshatin Suk, Roskovec.
Shërbimet e Policisë kanë shoqëruar në stacionin e Policisë shtetasin E. K., për veprime të mëtejshme hetimore.
Grupi hetimor vijon punën për sqarimin e plotë të rrethanave të rastit.