Një 31-vjeçar me inicialet B.H. është shpallur në kërkim nga Komisariati i Policisë së Mallakastrës, pasi dyshohet se ka kryer marrëdhënie seksuale me një vajzë të mitur 16-vjeçare.
E mitura, e cila ka mbetur shtatzënë dhe ka lindur foshnjen e saj në maternitet, ka deklaruar se babai i foshnjës është 31-vjeçari me iniciale B.H.
Policia ka nisur hetimet për këtë rast, dhe materialet procedurale i janë dorëzuar Prokurorisë për veprime të mëtejshme ligjore.
Vlen të thuhet se edhe pak ditë më parë një rast i ngjashëm u raportua në Korçë ku një 14-vjeçare solli në jetë një foshnje nga marrëdhënia që kishte me një 21-vjeçar. Pas zbulimit të kësaj ngjarje i riu u arrestua dhe u akuzua për marrëdhënie seksuale me të mitur.