Një ngjarje e rëndë ka ndodhur sot në Tiranë, teksa një person ka mbetur i plagosur.
Mësohet se një person që ishte duke u ndjekur nga policia, është aksidentuar teksa lëvizte me motor dhe ka përfunduar në lumin Lana. Personi që po ndiqej ishte një i shpallur në kërkim dhe po lëvizte me shpejtësi për t’i shpëtuar kapjes nga policia.
Pas ngjarjes ai është dërguar në spital, ku raportohet se ndodhet jashtë rrezikut. Uniformat blu ndërkohë vijojnë procedurat për arrestimin e tij.