Kryeministri Edi Rama ka shoqëruar homologun Mark Rutte në kantierin e Piramidës, ku po ndërtohet qendra e teknologjisë digjitale më e madhe në rajon.
“Fasada do të ndërtohet në mënyrë të atillë që do të krijohet harta e Shqipërisë! Vitin tjetër Tirana do jetë kryeqyteti Europian i Rinisë. Do përpiqemi të organizojmë javën holandeze. Do të kemi aktivitete të ndryshme, na duhet të punojmë me ambasadën”, tha Rama.
Kujtojmë se Holanda ka qenë një nga vendet skeptike dhe që është kritikuar nga kryeministri Edi Rama, lidhur me procesin e integrimit në BE. Mark Rutte ka deklaruar se Shqipëria ka përparuar, duke përmbushur kushtet për të nisur zyrtarisht Konferencën e Parë Ndërqeveritare.