Kryeministri Edi Rama u shpreh i bindur për fitoren e Partisë Socialiste në zgjedhjet e ardhshme parlamentare, gjatë fjalës së tij në asamblenë.
Madhe, kryeministri shkoi dhe më tej, duke bërë një parashikim mbi rezultatin e PD, në 2025. Rama tha se opozita nuk do marrë më shumë mandate se sa ka marrë në vitin 1997, pasi sipas tij, kjo parti tashmë është në një humnerë.
PD në 1997 ka marrë 336.167 vota dhe 25 mandate përballë 690.003 votave dhe 101 mandateve të Partisë Socialiste.
“Në zgjedhjet e ardhshme PD zor se do të marrë më shumë mandate se në 1997. Mbajeni mend. I vetmi ndryshim është se atëherë e gjithë Shqipëria ishte në humnerën ku ra ajo parti, ndërsa këtë herë humnera është destinacion ekskluziv vetëm i asaj partie. Disa thonë se Shqipëria sot është vend pa të ardhme dhe pa mundësi për të mbajtur frymën gjallë. Pa të ardhme dhe me borxhe Shqipëria ishte kur populli i largoi ata që e thoshin.”– tha Rama.