Media gjermane “Bild” ka publikuar pamjet dramatike të neutralizimit të një 29-vjeçari shqiptar në Linz am Rhein. Sipas raportimeve, shqiptari kishte hyrë në një stacion policor me një thikë të madhe dhe kishte thirrur “Allahu Ekber”, duke i shkaktuar shqetësim autoriteteve.
Ngjarja ndodhi kur 29-vjeçari, i cili kishte synuar të sulmonte policët, u neutralizua nga forcat speciale gjermane. Motivet e këtij akti, sipas autoriteteve gjermane, lidhen me ekstremizmin fetar. Në banesën ku jetonte shqiptari i arrestuar u gjet një flamur i IS-it, që ka nxitur shqetësim për lidhjet e mundshme me grupet ekstremiste.
Policia ka konfirmuar se sulmi kishte për qëllim të dëmtonte forcat e rendit dhe se grupi hetimor po punon për të zbardhur të gjitha rrethanat e këtij incidenti.