Astrologia e njohur, Meri Shehu, ishte ditën e sotme e ftuar në një emision televiziv, ku komentoi edhe grushtin ndaj kryetarit të Partisë Demokratike, Sali Berisha, më 6 dhjetor.
“E gjuajtën me grusht dhe e dini pse e gjuajtën me grusht? Sepse shqiptarët janë bërë pak euforikë nga droga ose disa ideale të shumuara më shumë seç duhet. E mendojnë se mund të godasin.
Goditën Berishën që kishte roje dhe nuk e mbrojtën dot. Këta kanë filluar të sillen në mënyrë të dhunshme në ambiente të tjera me njerëz të tjerë. Këtu të gjuajnë me grushte në supermarket, të shajnë në rrugë. Pra është bërë një gjendje e përgjithshme euforike, se unë mendoj se kam të drejtë që ty të gjuaj me grusht.
Ose unë kam një punë të mirë që më ndihmon policia, ushtria, shteti dhe unë ty mund të të gjuaj me grusht. Pra këta janë të përkëdhelurit dhe unë dua të iki kjo rrezikshmëri nga Shqipëria. Është e rrezikshme.
Njerëz të pakontrolluar dhe të droguar. Ata ndikohen, punohen si të duash ti. kjo është çështja. Nuk jam as me Ramën dhe as Berishën , mua më pëlqen Shqipëria si vendi im”, tha Meri Shehu.
Ndërkohë autori i ngjarjes, 31-vjeçari Gert Shehu, është lënë në burg.