Një shpërthim me lëndël plasëse ka ndodhur në një dyqan në Tiranë.
Mësohet se një sasi e vogël lënde plasëse ishte vendosur te dera e një dyqani, në rrugën “Jusuf Vrioni”, teksa dera ishte hapur me forcë.
Pas hetimeve të kryera rezultoi se dyqani është në pronësi të shtetasit Amarald Canaj, ndërsa shkak mund të jetë një konflikt pronësie.
Grupi hetimor vijon punën për zbardhjen e rrethanave të ngjarjes dhe të shkakut të dëmtimit.
Njoftimi i policisë:
Më datë 11.12.2022, rreth orës 09:30, Policia ka marrë njoftim se ishte hapur me forcë dera e një dyqani, në rrugën “Jusuf Vrioni”.
Menjëherë pas njoftimit, në vendin e ngjarjes kanë shkuar shërbimet e Policisë dhe grupi hetimor. Nga veprimet paraprake dyshohet se dera e dyqanit në pronësi të shtetasit A. C. mund të jetë dëmtuar si pasojë e plasjes së një kapsolle detonatore, apo të ndonjë sasie të vogël lëndë plasëse.
Grupi hetimor vijon punën për zbardhjen e rrethanave të ngjarjes dhe të shkakut të dëmtimit të derës.