Veliaj ka bërë me dije se prej 1 janarit të vitit të ardhshëm, do të subvencionohet transporti publik për ta dhe lëvizja e tyre në qytet do të jetë falas.
“Lajmi i mirë për pensionistët është se nga 1 janari ne do të subvencionojmë transportin publik për ta. E kuptoj që inflacioni, çmimet janë një stres për pensionistët dhe teksa qeveria po mendon për rritjen e pensioneve, bashkia do të japë kontributin e saj, duke e bërë udhëtimin falas, nga 1 janari 2025, për të gjithë pensionistët e qytetit të Tiranës”, tha Veliaj.