Një ngjarje e rëndë është regjistruar, teksa një person është aksidentuar për vdekje në aksin rrugor Plepa-Kavajë.
Raportohet se ngjarja ka ndodhur pak pas mesnatës, ku një automjet ende i paidentifikuar ka përplasur një 63-vjeçar që po kalonte rrugën. Viktima është gjetur në rrugë pajetë, pasi ishte braktisur nga shoferi që shkaktoi aksidentin. Policia ndërkohë ka nisur punën për identifikimin dhe kapjen e autorit.
Njoftimi i policisë:
Durrës/Informacion paraprak
Rreth orës 00:50, në rrugën dytësore “Plepa-Kavajë”, dyshohet se një automjet ende i paidentifikuar ka aksidentuar shtetasin këmbësor, L. D., 63 vjeç, i cili si pasojë ka humbur jetën.
Shërbimet e Policisë po punojnë për identifikimin dhe kapjen e autorit.
Ndërkaq, grupi hetimor po punon për zbardhjen e rrethanave të rastit.