Një aksident me pasojë vdekje ka ndodhur paraditen e sotme në aksin rrugor Lezhë-Shëngjin.
Mësohet se një automjet që drejtohej nga një 30-vjeçar ka dalë nga rruga dhe është përplasur me një shtyllë që ndodhej në anë të aksit. Si pasojë e përplasjes, shoferi 30-vjeçar ka ndërruar jetë në vend, teksa pasagjeri ka marrë plagë të rënda. Ky i fundit është transportuar drejt spitalit të Traumës në Tiranë, dhe ndodhet në rrezik për jetën.
Ndërkohë, grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
Njoftimi i policisë:
Shëngjin/Informacion paraprak
Rreth orës 04:00, në aksin rrugor “Shëngjin-Lezhë”, shtetasi Gj. V., 30 vjeç, dyshohet se ka humbur kontrollin mbi drejtimin e automjetit dhe si pasojë automjeti është përplasur me një shtyllë në anë të rrugës. Nga përplasja ka humbur jetën 30-vjeçari dhe është dëmtuar pasagjeri në këtë automjet, shtetasi A. V., i cili është transportuar në Spitalin e Traumës dhe aktualisht është në gjendje të rëndë shëndetësore.
Grupi hetimor po punon për sqarimin e rrethanave të aksidentit.