Një ngjarje e rëndë ka ndodhur sot në Durrës, ku një person ka ndërruar jetë.
Mësohet se viktima është një 64-vjeçar, i cili humbi jetën këtë pasdite në plazhin e Porto Romanos, sapo hyri në det për tu larë.
Paraprakisht, dyshohet se shkak u bë një arrest kardiak, ndërkohë që grupi hetimor pritet të bëjë sqarimin e plotë të rrethanave dhe shkakut të humbjes së jetës.
Njoftimi i policisë:
Durrës/Informacion paraprak
Rreth orës 18:30, në Porto Romano, Durrës, shtetasi B. H., 64 vjeç, sa ka rënë në kontakt me ujin kur është futur në det, dyshohet se ka pësuar arrest kardiak dhe si pasojë ka humbur jetën.
Grupi hetimor vijon punën për sqarimin e plotë të rrethanave dhe shkakut të humbjes së jetës.