Cristiano Ronaldo do të jetë lojtar i Al-Nassr në muajin janar të vitit 2023. Prej ditësh është konfirmuar lajmi se klubi arab i ka bërë një ofertë prej 200 milionë eurosh në vit portugezit dhe duket se oferta më e madhe në historinë e futbollit është pranuar.
“Marca” raporton se marrëveshja mes palëve është arritur dhe në janar Ronaldo do të veshë fanellën e klubit më të madh në Arabi.
Siç dihet, Ronaldo është lojtar i lirë, pas ndërprerjes së kontratës me Manchester United, që erdhi pas deklaratës së bujshme të tij. Në rast se konkretizohet, kjo kontratë e Ronaldos do të thyente çdo rekord dhe vështirë se do të arrihet edhe në dekadat e ardhshme.