Një rast tronditës abuzimi seksual dhe rrëmbimi është zbuluar në Brazil, ku viktimë ka qenë një 12-vjeçare.
Mediat e huaja raportojnë se e mitura u rrëmbye nga pedofili 43-vjeçar Daniel Moraes Bittar, në Luiziana pranë shkollës së saj. Me ndihmën e të dashurës së tij 22-vjeçare Gesielly de Souza Vieira, e mitura u fut me forcë në makinën e pedofilit. Më pas, 22-vjeçarja i vendosi një leckë të lagur me kloroform në fytyrën e saj, në mënyrë që ajo të humbte ndjenjat.
Më pas, dy rrëmbyesit i prangosën duart dhe këmbët dhe e futën në një valixhe. Në një video të publikuar, pedofili shihet se si e tërheq me vështirësi valixhen ku ndodhet vajza për ta çuar në shtëpinë e tij.
E mitura më pas u prangos në një shtrat në banesën e 43-vjeçarit ku ai e përdhunoi disa herë, së bashku me të dashurën.
43-vjeçari, i cili punonte si nëpunës civil, u kap vetëm kur policia u njoftua për pamjet e tmerrshme të kamerave dhe e gjeti viktimën gjysmë të zhveshur dhe të lidhur me pranga në shtrat. Ajo kishte pësuar mavijosje dhe djegie kimike, dhe ekzaminimet mjekësore të kryera pasi ajo u shpëtua konfirmuan se ajo ishte sulmuar seksualisht.
Sipas policisë, në vendin e sulmit u gjetën objekte seksuale, armë trullosëse, kamera dhe materiale pornografike. Gjithashtu u gjet një bombol benzine duke e bërë policinë të besonte se ai mund të kishte planifikuar të digjte trupin e vajzës pasi e kishte përdhunuar.