Një aksident i rëndë ka ndodhur mëngjesin e kësaj të marte në Vlorë, ku një person ka ndërruar jetë.
Mësohet se ngjarja ka ndodhur pranë rrugës së Triportit që të çon në Zvërnec, ku një automjet është përplasur me një motor. Si pasojë e përplasjes, drejtuesi i motorit ka ndërruar jetë, teksa shoferi i makinës është arrestuar.
Policia ndodhet në vendin e ngjarjes dhe po punon për zbardhjen e plotë të shkaqeve të aksidentit.